Tuman va viloyat deputatlari Olimjon Jumanazarov hamda Abdurasul Bababekovlar Muqimiy mahallasida saylovchilar bilan uchrashuv o‘tkazdilar. Uchrashuv davomida 2025-yilning 1-choragi yakunlari hamda amalga oshirilgan ishlar yuzasidan batafsil axborot berildi.

Shuningdek, mahallada ijtimoiy-iqtisodiy sohalarda olib borilayotgan ishlar, infratuzilmani rivojlantirish, aholi murojaatlari bilan ishlash hamda mavjud muammolarni bosqichma-bosqich hal etish bo‘yicha ma’lumotlar taqdim etildi.

Uchrashuvda saylovchilar tomonidan bildirilgan taklif va murojaatlar deputatlar tomonidan qayd etilib, ularni hal etish yuzasidan tegishli mas’ullarga topshiriqlar berildi.

Mazkur uchrashuvlar aholining muammolarini joyida o‘rganish va ularni samarali hal etishga xizmat qilishi ta’kidlandi.