Aholi salomatligini mustahkamlash, kasalliklarni erta aniqlash va tibbiy-profilaktik xizmatlarni aholiga yaqinlashtirish borasidagi ishlar mahallalarda izchil davom ettirilmoqda.

Shu maqsadda, Xalq deputatlari Termiz shahar Kengashining 7-“Bog‘ishamol” saylov okrugi deputati Sh.Allamuradova tashabbusi bilan Bog‘ishamol mahallasida istiqomat qiluvchi fuqarolar, jumladan, nuroniylar va ijtimoiy ko‘makka muhtoj aholi vakillari uchun “Salomatlik sari” aksiyasi doirasida bepul tibbiy ko‘rik tashkil etildi.
Mahalla idorasida o‘tkazilgan tibbiy ko‘rik davomida 45 nafar fuqaroning salomatligi tibbiy nazoratdan o‘tkazildi. Mazkur tashabbus aholining tibbiy madaniyatini oshirish, kasalliklarni barvaqt aniqlash hamda fuqarolarning salomatligiga e’tibor qaratishda muhim ahamiyat kasb etadi.

Bunday tashabbuslar deputatlik faoliyatining aholi manfaatlariga xizmat qiluvchi amaliy yo‘nalishlaridan biri bo‘lib, fuqarolarning muammolarini joyida o‘rganish, ularni qo‘llab-quvvatlash va ijtimoiy himoyasini kuchaytirishga qaratilgan.

Zero, inson salomatligini asrash — eng muhim qadriyat. Mahallalarda ana shunday xayrli tashabbuslarni amalga oshirish orqali aholiga tibbiy xizmatlardan foydalanishda yanada qulay imkoniyatlar yaratish ko‘zda tutiladi.