“DIYOR” MAHALLASIDA KO‘CHALAR HOLATI VA MAVJUD MUAMMOLAR O‘RGANILDI

Xalq deputatlari Namangan shahar Kengashi kotibiyati mudiri 

N. Ubaydullayev tomonidan “Ko‘chama-ko‘cha” o‘rganish ishlari doirasida “Diyor” mahallasi hududidagi ko‘chalarning holati va mavjud muammolar o‘rganildi.

O‘rganish davomida ko‘chalarning holati, aholi uchun qulay va xavfsiz harakatlanish sharoitlari, hududni obodonlashtirish hamda infratuzilmani yaxshilash bilan bog‘liq masalalarga e’tibor qaratildi. 

Aniqlangan muammolarni tegishli tashkilotlar bilan hamkorlikda o‘rganish va ularni bartaraf etish choralarini belgilash muhimligi ta’kidlandi.

Mazkur ishlar deputatlik faoliyatining 8-yo‘nalishi — ichki yo‘llar, ko‘cha yoritilishi va yo‘l harakati xavfsizligi bo‘yicha tavsiyalar bilan hamohangdir. Shuningdek, qonunlar taqsimotiga muvofiq, O‘zbekiston Respublikasining 2018-yil 12-apreldagi O‘RQ-474-sonli “Jamoatchilik nazorati to‘g‘risida”gi Qonuni doirasida hududdagi muammolarni o‘rganish va ularning yechimiga jamoatchilik e’tiborini qaratish muhim ahamiyat kasb etadi.

O‘rganishdan ko‘zlangan maqsad — mahalladagi mavjud muammolarni aniqlash, aholi uchun qulay yashash muhitini yaratish hamda hudud infratuzilmasini yaxshilash bo‘yicha tegishli choralar ko‘rilishiga ko‘maklashishdan iborat.