Xalq deputatlari Parkent tuman Kengashiga 15-“Beshkappa” saylov okrugidan saylangan deputat, Kengash kotibiyati mudiri Berdiqulova Mavluda Tojiddinovna tomonidan Parkent tumani Adliya bo‘limida uchrashuv o‘tkazildi.
🟢 Uchrashuv davomida deputat Adliya bo‘limi rahbari Azizov Umid Maxsudovich bilan norma ijodkorligi faoliyatini takomillashtirish, yangi qabul qilinayotgan qonunlar va boshqa normativ-huquqiy hujjatlarning mazmun-mohiyatini keng jamoatchilikka yetkazish hamda ushbu yo‘nalishlarda o‘zaro hamkorlikni kuchaytirish masalalarini muhokama qildi.
⚖️ Suhbat davomida normativ-huquqiy hujjatlarni ishlab chiqish va takomillashtirish jarayonida qonuniylik, huquqiy asoslanganlik hamda aholining manfaatlarini inobatga olish muhimligi ta’kidlandi. Shuningdek, hududda uchrayotgan dolzarb masalalarni o‘rganish, mavjud muammolar yuzasidan asoslantirilgan takliflar ishlab chiqish va ularni qonunchilikni takomillashtirish jarayonida hisobga olish masalalariga e’tibor qaratildi.
📚 Qonunchilik targ‘iboti — huquqiy madaniyat yuksalishining muhim omili.
Yangi qabul qilinayotgan qonunlar, Prezident farmon va qarorlari hamda boshqa normativ-huquqiy hujjatlarning mazmunini aholiga sodda, tushunarli va hayotiy misollar asosida yetkazish, fuqarolarning o‘z huquq va majburiyatlari to‘g‘risidagi bilimlarini oshirish muhim vazifalardan hisoblanadi.
📌 Shu maqsadda quyidagi yo‘nalishlarda hamkorlikni rivojlantirish masalalari muhim ahamiyat kasb etadi:
🔹 yangi qabul qilingan qonun hujjatlari mazmun-mohiyatini keng targ‘ib qilish;
🔹 aholining huquqiy savodxonligi va huquqiy madaniyatini oshirish;
🔹 fuqarolarning murojaatlari va hayotiy muammolarini o‘rganish asosida qonunchilikni takomillashtirishga doir takliflar ishlab chiqish;
🔹 deputatlik faoliyati va adliya organlari o‘rtasidagi hamkorlikni mustahkamlash;
🔹 normativ-huquqiy hujjatlarning amaliy ijrosi va ularning aholi hayotidagi ahamiyatini tushuntirishga qaratilgan targ‘ibot tadbirlarini tashkil etish.
✅ O‘zaro hamkorlik — samarali qonunchilik va yuksak huquqiy madaniyat garovi!
‼️ Mazkur yo‘nalishdagi hamkorlikni rivojlantirish orqali hududda qonun ustuvorligini mustahkamlash, aholining huquqiy bilimlarini oshirish hamda fuqarolar manfaatlariga xizmat qiladigan huquqiy tashabbuslarni ilgari surishga alohida e’tibor qaratiladi.