Ko‘p qavatli uylarning isitish tizimi holati o‘rganildi

O‘zbekiston Ekologik partiyasi Taxiatosh tumani partiya kengashi hamda Xalq deputatlari Taxiatosh tumani Kengashi kotibiyati mudiri, O‘zbekiston Ekologik partiyasidan saylangan deputat Matniyazov Akbar Qadirovich tomonidan Taxiatosh MFY hududidagi ko‘p qavatli uylarda qish mavsumiga tayyorgarlik va isitish tizimining holati o‘rganildi.

🔎 Monitoring davomida issiqlik tarmoqlari va isitish uskunalarining texnik holati, issiqlik ta’minotining barqarorligi hamda aholi uchun yaratilgan sharoitlar ko‘zdan kechirildi.

🏠 O‘rganish jarayonida qish mavsumida xonadonlarni uzluksiz va sifatli issiqlik bilan ta’minlash, yuzaga kelishi mumkin bo‘lgan nosozliklarni oldindan aniqlash va bartaraf etish muhimligi qayd etildi.

🌱 Shuningdek, issiqlik tarmoqlarida yo‘qotishlarning oldini olish, energiya resurslaridan oqilona foydalanish hamda ekologik va xavfsizlik talablariga rioya etish yuzasidan mas’ullarga tegishli tavsiyalar berildi.

📌 Asosiy maqsad — qish mavsumida aholi uchun barqaror issiqlik ta’minoti va munosib yashash sharoitini ta’minlash.