✅ Нодира Раҳмонбердиева, “Иқтидор” жамоатчилик ташкилоти бошқарув Кенгаши аъзоси (Тожикистон):

🗄 Жамоатчилик мониторинги давлат ва аҳоли ўртасидаги самарали қайтар алоқа механизми бўлиб, муаммони аниқлаш ва фактларни текширишдан тортиб, тавсия ишлаб чиқиш, давлат органлари билан мулоқот ва уларнинг ижросини кузатишгача бўлган тўлиқ жараённи қамраб олиши керак.

🗄 Тожикистон тажрибасида жамоатчилик кенгашлари, маҳалла қўмиталари ва ННТлар сув таъминоти, соғлиқни сақлаш, таълим, ижтимоий ҳимоя, инфратузилма ва экологиядаги муаммоларни аниқлашда иштирок этмоқда. Бунда объект ёки хизматнинг мавжудлигини эмас, аҳоли ундан амалда фойдалана олиши, сифати ҳамда аёллар, ёшлар ва заиф гуруҳлар учун очиқлигини баҳолаш муҳим.

🗄 Асосий чекловлар — маълумотларга кириш қийинлиги, айрим ННТларда профессионал ва техник салоҳиятнинг етишмаслиги, қисқа муддатли донор лойиҳаларига боғлиқлик ҳамда мониторинг натижаларининг кейинги бошқарув қарорлари билан суст боғланганидир.

🗄 Жамоатчилик мониторинги фақат танқид эмас, конструктив шериклик воситасига айланиши лозим. Ҳудудий мониторинг гуруҳлари, ННТлар салоҳиятини ошириш, рақамли хариталаш ва мурожаатларни кузатиш, гендер ва инклюзия мезонлари, мустақил мониторинг ҳамда тавсиялар ижросини назорат қилиш бу механизм самарадорлигини оширади.