#_deputat_faoliyati
Sariosiyoda zamonaviy texnikalar yordamida paxta terimi jadallik bilan davom etmoqda

Xalq deputatlari Sariosiyo tumani Kengashi deputati, hokimi Odiljon Yaqubov, tuman Kengashi deputati SH.Davlatov, qishloq xo‘jaligi sohasi mutasaddilari bilan birgalikda Toqchiyon hududidagi “Toqchiyon Paxta” fermer xo‘jaligida zamonaviy paxta terish mashinasi yordamida olib borilayotgan terim jarayonini ko‘zdan kechirdi.

O‘rganish davomida mas’ullarga paxta terimini uyushqoqlik bilan tashkil etish, hosilni qisqa muddatlarda va sifatli yig‘ib olish, shuningdek, terim jarayonida texnika hamda yong‘in xavfsizligi talablariga qat’iy rioya etish yuzasidan tegishli topshiriqlar berildi.

Shuningdek, paxta terimida samarali va yuqori unum bilan mehnat qilayotgan terim mashinasi haydovchisi munosib rag‘batlantirildi.