OBODLIK — KUNDALIK ISH VA MAS’ULIYAT

Oqoltin tumanida hududlarni obodonlashtirish, tozalik va ko‘kalamzorlashtirish ishlarini tizimli tashkil etishga alohida e’tibor qaratilmoqda.

Ayni paytda Xalq deputatlari tuman Kengashi deputati — Oqoltin tuman hokimi X. Suvonov boshchiligida A-373 avtomobil yo‘li bo‘yida obodonlashtirish va tozalash ishlari olib borilmoqda. Jarayon davomida yo‘l bo‘ylari chiqindilardan tozalanib, mavjud yashil hududlar tartibga keltirilmoqda.

Bunday amaliy ishlar hududning sanitariya va obodonlik holatini yaxshilash, aholi va yo‘lovchilar uchun yanada qulay hamda ko‘rkam muhit yaratishga xizmat qiladi. Tuman hududida tozalik va obodlikni ta’minlash borasidagi ishlar izchil davom ettirilmoqda.