🔰Ta’lim to‘g‘risidagi qonun ijrosi – deputatlar e’tiborida

Xalq deputatlari Jondor tumani Kengashi raisi L. Behbudova, Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi raisi H. Kareva hamda tuman Kengashi kotibiyati mudiri I. Xolov tomonidan tumandagi 9- va 3-son umumiy o‘rta ta’lim maktablari faoliyati o‘rganildi.
✔️O‘rganish davomida O‘zbekiston Respublikasining 2020-yil 23-sentabrdagi “Ta’lim to‘g‘risida”gi O‘RQ-637-son Qonuni talablarining ta’lim muassasalaridagi ijrosi, o‘quvchilar uchun yaratilgan sharoitlar, ta’lim sifati va o‘quv-tarbiya jarayonining tashkil etilishi bilan bog‘liq masalalarga e’tibor qaratildi.
✔️Shuningdek, maktablarda ta’lim olish uchun yaratilgan imkoniyatlar, pedagoglar faoliyati hamda mavjud muammo va kamchiliklar o‘rganilib, ularni bartaraf etish yuzasidan mas’ullarga tegishli tavsiya va takliflar bildirildi.
👉Ta’lim sifatini oshirish, yosh avlod uchun munosib sharoit yaratish va qonun hujjatlari ijrosini ta’minlash deputatlik nazoratining muhim yo‘nalishlaridan biridir.