DEPUTATLIK SO‘ROVI YUBORILDI.

Xalq deputatlari Angor tumani Kengashi 18-Yangi turmush saylov okrugi deputati S.A.Yuldosheva tomonidan.Joriy yilning 10-sentyabr kuni “Yangi turmush” mahallasida o‘tkazilgan o‘rganishlar davomida fuqarolarning murojaatlari tinglanib, hududdagi mavjud muammolar o‘rganildi.

O‘rganish jarayonida At-Termiziy ko‘chasida joylashgan svetoforning ishlamayotgani yuzasidan bir guruh fuqarolar tomonidan murojaat kelib tushgani aniqlandi.
Murojaatda keltirilishicha, mazkur hududda avtomobillar qatnovining yuqoriligi sababli tirbandliklar yuzaga kelmoqda. Svetoforning ishlamayotgani esa piyodalarning yo‘lni xavfsiz kesib o‘tishida qiyinchiliklar tug‘dirib, yo‘l harakati xavfsizligiga salbiy ta’sir ko‘rsatmoqda.

Mazkur muammoni bartaraf etish, fuqarolarning xavfsizligini ta’minlash hamda yo‘l harakati xavfsizligini yaxshilash maqsadida deputat tomonidan tegishli tashkilotga deputatlik so‘rovi yuborildi.