Xalq deputatlari Paxtakor tumani Kengashi deputati K.Mamanova tomonidan o‘z saylov okrugi hududidagi ko‘p qavatli uylarda kuz-qish mavsumiga tayyorgarlik holati o‘rganilib, aholi bilan muloqotlar davomida ularning murojaat va muammolari tinglandi.

O‘rganishlar davomida ayrim ko‘p qavatli uylarda gaz ta’minoti bilan bog‘liq muammolar mavjudligi aniqlanib, mazkur masalalar deputatlik nazoratiga olindi.

Deputatning tegishli tashkilotlar bilan hamkorligi va nazorati ostida aniqlangan kamchiliklarni bartaraf etish bo‘yicha amaliy ishlar olib borildi. Natijada ko‘p qavatli uylardagi gaz ta’minoti bilan bog‘liq muammolar bartaraf etilib, aholiga qulay sharoit yaratildi.

Deputatlik nazorati — muammoni aniqlashdan uning amaliy yechimini ta’minlashgacha davom etmoqda.