Xalq deputatlari Bekobod tumani Kengashiga O‘zbekiston “Adolat” SDPdan saylangan deputat S.Shokirova tomonidan ATB “Agrobank” Bekobod tumani filialida O‘zbekiston Respublikasining 2019-yil 22-oktabrdagi “Valyutani tartibga solish to‘g‘risida”gi O‘RQ-573-son Qonuni ijrosi nazorat tartibida o‘rganildi.

O‘rganish davomida mazkur qonun talablarining amalda bajarilishi, valyuta operatsiyalarini amalga oshirishda belgilangan tartib va me’yorlarga rioya etilishi masalalariga alohida e’tibor qaratildi.

Deputatlik nazorati — qonun ijrosini ta’minlash, fuqarolar manfaatlarini himoya qilish va mas’ul tashkilotlar faoliyatida ochiqlik hamda qonuniylikni mustahkamlashning muhim vositasidir.