Davlatimiz rahbari Shavkat Mirziyoyev raisligida o‘tkazilgan videoselektor yig‘ilishida kambag‘allikni qisqartirish, aholi daromadlarini oshirish va bandligini ta’minlash bo‘yicha belgilangan vazifalar ijrosini ta’minlash maqsadida Oltinsoy tumanida manzilli va amaliy ishlar izchil davom ettirilmoqda.

Mazkur vazifalar ijrosi doirasida Oltinsoy tuman hokimi, xalq deputatlari tuman Kengashi deputati Otabek Mavlyanov ishtirokida og‘ir toifaga kiruvchi mahallalarda xonadonbay o‘rganishlar olib borildi.

O‘rganishlarda Xalq deputatlari tuman Kengashi deputatlari Yu. Hakimov, tuman hokimining birinchi o‘rinbosari, Oila va xotin-qizlar bo‘limi, “Inson” ijtimoiy xizmatlar markazi rahbarlari, “mahalla bankirlari” hamda tumandagi 54 ta mahallaning hokim yordamchilari ishtirok etdi.

Xonadonbay o‘rganishlar davomida aholining bandligini ta’minlash, daromad manbalarini ko‘paytirish, tadbirkorlik faoliyatini yo‘lga qo‘yish hamda ijtimoiy muammolarni aniqlash va ularni manzilli hal etish masalalariga alohida e’tibor qaratildi.

Deputatlar Otabek Mavlyanov va Yu.Hakimov tomonidan aniqlangan muammolarni tegishli tashkilotlar bilan hamkorlikda bartaraf etish, aholi bandligini ta’minlash va kambag‘allikni qisqartirish bo‘yicha amalga oshirilayotgan ishlar nazoratga olindi.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz