Xalq deputatlari tuman Kengashi deputati, Kengash kotibiyati mudiri E. Mirzayev tomonidan Mahalliy Kengash deputati faoliyatining eng muhim yo‘nalishlari bo‘yicha TAVSIYALAR asosida “Shieli” OFY yoshlar yetakchisining faoliyati o‘rganildi.

🔎 O‘rganish davomida mahalladagi yoshlar bilan ishlash tizimi, yoshlarning muammolarini aniqlash va ularni manzilli hal etish, yoshlar bandligini ta’minlash borasida amalga oshirilayotgan ishlar holatiga alohida e’tibor qaratildi.

👥 Shuningdek, yoshlarni kasb-hunarga yo‘naltirish, tadbirkorlikka jalb etish, ularning bo‘sh vaqtini mazmunli tashkil etish hamda turli sport, madaniy-ma’rifiy va ijtimoiy tadbirlarga jalb qilish masalalari ko‘rib chiqildi.

📌 “Yoshlar daftari” bilan ishlash, ehtiyojmand yoshlarni aniqlash va ularga mavjud imkoniyatlardan foydalanishda ko‘maklashish, shuningdek, yoshlarning tashabbuslarini qo‘llab-quvvatlash bo‘yicha olib borilayotgan ishlar ham o‘rganildi.

💼 Yoshlar bandligini ta’minlash, ularni zamonaviy kasblarga o‘qitish va mehnat bozorida talab yuqori bo‘lgan yo‘nalishlarga yo‘naltirish yoshlar yetakchisi faoliyatining muhim vazifalaridan biri ekani ta’kidlandi.

📝 O‘rganish yakunlari bo‘yicha yoshlar bilan ishlash samaradorligini yanada oshirish, har bir yoshning qiziqishi va muammosidan kelib chiqib manzilli yondashish, bandligini ta’minlash hamda yoshlarning ijtimoiy faolligini kuchaytirish yuzasidan tegishli tavsiya va takliflar bildirildi.

🤝 Yoshlar bilan samarali ishlash — ularning kelajagini qo‘llab-quvvatlash, bandligini ta’minlash va jamiyatdagi faolligini oshirishning muhim omilidir.