Xalq deputatlari Taxiatosh tumani Kengashi raisining topshirig‘iga muvofiq, Kengash kotibiyati bosh mutaxassisi A.Aymbetov “Ekspert guruhi” a’zosi hamda tuman Investitsiya bo‘limi bosh mutaxassisi S.Masharipov bilan birgalikda tumandagi investitsiya loyihalarining amaldagi holatini joyiga chiqqan holda o‘rganishni davom ettirmoqda.

📍 Navbatdagi manzil “Gold Sendvich MChJ” sendvich panellar va qurilish uchun penoplast ishlab chiqarish korxonasi bo‘ldi. O‘rganish davomida korxonaning ishlab chiqarish faoliyati va mavjud imkoniyatlari bilan yaqindan tanishildi.

💰 Korxonaga 220 ming AQSh dollari miqdorida investitsiya kiritilgani, bugungi kunda faoliyati davom etayotgani hamda ishlab chiqarilayotgan mahsulotlar bilan qurilish bozori ta’minlab kelinayotgani qayd etildi.

📈 Mazkur loyiha tumanda ishlab chiqarish salohiyatini oshirish, mahalliy mahsulotlar ulushini kengaytirish va investitsiyalardan samarali foydalanishga xizmat qilmoqda.

📑 O‘rganishlar yakuni bo‘yicha tegishli ma’lumotlar umumlashtirilib, Xalq deputatlari Taxiatosh tumani Kengashi raisiga taqdim etiladi.