“Keksalar, nogironligi bo‘lgan shaxslar va aholining boshqa ijtimoiy ehtiyojmand toifalari uchun ijtimoiy xizmatlar to‘g‘risida”gi Qonun ijrosi o‘rganilmoqda

Xalq deputatlari Pastdarg‘om tumani Kengashi tomonidan navbatdagi sessiya kun tartibiga kiritilgan masalalar yuzasidan ijtimoiy xizmatlar sohasidagi qonunchilik ijrosi holatini o‘rganish ishlari olib borilmoqda.

O‘rganishlar davomida keksalar, nogironligi bo‘lgan shaxslar hamda aholining boshqa ijtimoiy ehtiyojmand qatlamlariga ko‘rsatilayotgan xizmatlarning sifati, qamrovi va samaradorligi tahlil qilinmoqda.

Deputatlar tomonidan mas’ul tashkilotlarga quyidagi yo‘nalishlarda savollar berilmoqda:

✅ ijtimoiy xizmatlarga muhtoj fuqarolarni aniqlash va hisobini yuritish tizimi;

✅ mahalla, davlat tashkilotlari va jamoat tuzilmalari hamkorligi;

✅ yolg‘iz keksalar va nogironligi bo‘lgan shaxslarga uyda ko‘rsatilayotgan ijtimoiy xizmatlar holati;

✅ reabilitatsiya vositalari bilan ta’minlash, tibbiy va ijtimoiy ko‘mak samaradorligi;

✅ nogironligi bo‘lgan bolalar va ularning oilalariga yaratilgan sharoitlar;

✅ ijtimoiy xizmatlarning individual dasturlar asosida tashkil etilishi va monitoringi.

Shuningdek, deputatlar tomonidan hududlarda mavjud muammolarni aniqlash, ularning sabablarini o‘rganish hamda mas’ul tashkilotlar tomonidan aniq chora-tadbirlar belgilanishiga alohida e’tibor qaratilmoqda.

O‘rganish jarayonida asosiy mezon sifatida:

Muammo → Sabab → Mas’ul tashkilot → Amalga oshirilgan chora → Natija

tamoyili asosida tahliliy yondashuv qo‘llanilmoqda.

Mazkur yo‘nalishdagi deputatlik nazorati ishlari fuqarolarning qonuniy manfaatlarini himoya qilish, ijtimoiy xizmatlar sifatini oshirish hamda ehtiyojmand qatlamlarni qo‘llab-quvvatlashga qaratilgan.