Xalq deputatlari Quva tuman Kengashi deputati A. Isaxonov tuman Kengashi doimiy komissiyalari faoliyati doirasida o‘ziga biriktirilgan qonun hujjatlarining mazmun-mohiyatini targ‘ib qilish hamda ularning joylardagi ijrosini o‘rganish maqsadida Akbarobod mahallasida bo‘lib, mahalla faollari ishtirokida huquqiy targ‘ibot uchrashuvini o‘tkazdi.

Uchrashuv davomida ishtirokchilarga O‘zbekiston Respublikasining 2013-yil 22-apreldagi "Fuqarolarning o‘zini o‘zi boshqarish organlari to‘g‘risida"gi Qonunga o‘zgartish va qo‘shimchalar kiritish haqida” O‘RQ–350-son Qonuni hamda O‘zbekiston Respublikasi Prezidentining 2026-yil 24-iyundagi “Mahalla boshqaruvini samarali tashkil etishga oid qo‘shimcha chora-tadbirlar to‘g‘risida”gi PF–116-son Farmonining mazmun-mohiyati tushuntirildi.

Shuningdek, mahalla tizimida amalga oshirilayotgan islohotlar, fuqarolar yig‘inlarining vakolatlari, aholi muammolarini hal etishda jamoatchilik ishtirokini kuchaytirish hamda mahalla institutining jamiyat hayotidagi o‘rni yuzasidan fikr almashilib, ishtirokchilarning savollariga atroflicha javoblar berildi.

Slide 1 of 3