Xalq deputatlari Chilonzor tumani Kengashi deputati, Adolat SDP a'zosi Tashmuhammedova Muhabbat Baxtiyorovna tomonidan fuqarolardan kelib tushgan murojaat yuzasidan o‘rganish ishlari olib borildi.
Murojaatda Yuqori Darxon ko‘chasiga chiqish qismi, Gavhar ko‘chasi 86-uy hamda Tirsakobod 2–4-uylar yonida avtomobillarning yo‘l chetida tartibsiz to‘xtab turishi oqibatida mahalla fuqarolarining asosiy yo‘lni ko‘rish imkoniyati keskin cheklanayotgani ta'kidlangan. Mazkur holat ushbu hududda yo‘l-transport hodisalari tez-tez sodir bo‘lishiga sabab bo‘layotgani yuzasidan aholi o‘z e'tiroz va takliflarini bildirgan.
Deputat tomonidan murojaatda ko‘rsatilgan hududga joyiga chiqib, mavjud vaziyat batafsil o‘rganildi va nazoratga olindi.
Fuqarolar murojaatlarini o‘z vaqtida ko‘rib chiqish va ularning qonuniy manfaatlarini himoya qilish deputatlik faoliyatining ustuvor yo‘nalishlaridan biri bo‘lib qoladi.