🏛️ Deputatlik faoliyatining ustuvor yo‘nalishlari doirasida mahalladagi muammolar o‘rganildi

🤝 Xalq deputatlari Surxondaryo viloyati Kengashining 4-Sherobod saylov okrugi deputati R. Xolmirzayeva hamda Xalq deputatlari Sherobod tumani Kengashi kotibiyati bosh mutaxassisi S. Safarov tomonidan “Yoshlik” mahallasida deputatlik faoliyatining ustuvor 24 yo‘nalishi doirasida navbatdagi o‘rganish ishlari olib borildi.

📍 O‘rganish jarayonida mahalla yettiligi bilan uchrashuv o‘tkazilib, hududdagi mavjud muammolar, aholini qiynab kelayotgan masalalar hamda bildirilgan takliflar atroflicha muhokama qilindi.

👥 Shuningdek, kambag‘allikni qisqartirish, ijtimoiy himoyaga muhtoj fuqarolarni qo‘llab-quvvatlash, bandlikni ta’minlash, oilalar daromadini oshirish, yoshlar va xotin-qizlar bilan ishlash, tadbirkorlikni rivojlantirish hamda hudud infratuzilmasini yaxshilash borasida amalga oshirilayotgan ishlar yuzasidan fikr almashildi.

📝 Uchrashuv davomida aniqlangan muammolar va takliflarni mutasaddi tashkilotlar bilan hamkorlikda hal etish, deputatlik nazoratini kuchaytirish hamda aholi murojaatlariga o‘z vaqtida yechim topish yuzasidan tegishli vazifalar belgilab olindi.

✅ Bunday o‘rganishlar joylardagi muammolarni o‘z vaqtida aniqlash, ularni bartaraf etish va aholining turmush farovonligini oshirishga xizmat qiladi.