PQ-141 ijrosi doirasida amalga oshirilgan asfaltlash ishlari joyida o‘rganildi

Xalq deputatlari Termiz tuman Kengashi mutaxassisi T.Murodov 6-At-Termiziy saylov okrugi deputati B.Umarov saylangan At-Termiziy MFY hududida O‘zbekiston Respublikasi Prezidentining PQ-141-son qarori ijrosi doirasida amalga oshirilgan asfaltlash ishlari bilan tanishdi.

O‘rganish davomida asfalt qoplamasi yotqizilgan ichki ko‘chalar ko‘zdan kechirilib, hudud fuqarolari bilan bevosita muloqot qilindi. Suhbat jarayonida amalga oshirilgan bunyodkorlik ishlari yuzasidan aholining fikr va mulohazalari tinglanib, yo‘llarning sifati hamda foydalanishdagi qulayliklar haqida fikr almashildi. Shuningdek, fuqarolar tomonidan bildirilgan mavjud muammolar va takliflar qayd etildi.

Muloqot davomida fuqarolarga O‘zbekiston Respublikasining "Aholi bandligi to‘g‘risida"gi Qonuni mazmun-mohiyati ham tushuntirildi. Mazkur Qonun Qonunchilik palatasi tomonidan 2020-yil 28-aprelda qabul qilingan hamda Senat tomonidan 2020-yil 7-avgustda ma'qullangan bo‘lib, aholini ish bilan ta'minlash, yangi ish o‘rinlarini yaratish, ishsizlikning oldini olish va fuqarolarning mehnat qilish huquqlarini kafolatlashga qaratilganligi ta'kidlandi.

Yakunda fuqarolar tomonidan bildirilgan murojaat va takliflar tegishli tartibda ko‘rib chiqilishi hamda amalga oshirilayotgan bunyodkorlik ishlari deputatlik nazoratida davom ettirilishi qayd etildi.