Yoshlar xiyobonidagi ichki yoʻlaklar va yoritish tizimi holati oʻrganildi

Xalq deputatlari Navoiy shahar Kengashi deputati Xasanova Gulshan Zokirovna, Navoiy shahar Kengashi kotibiyati bosh mutaxassisi Muborak Astanova hamda ishchi guruh aʼzolari Navoiy shahridagi Yoshlar xiyobonida ichki yoʻlaklar va yoritish tizimining holatini oʻrgandilar.

Oʻrganish davomida xiyobondagi ichki yoʻlaklarning holati, ularning fuqarolar uchun qulayligi, obodonlashtirish ishlari hamda hududdagi yoritish chiroqlarining sozligi va samarali ishlashi koʻzdan kechirildi.

Shuningdek, tungi vaqtda fuqarolarning xavfsiz harakatlanishi uchun yaratilgan sharoitlar, hududdagi tartib va obodonchilik holati ham oʻrganildi.

Oʻrganish yakunlari boʻyicha aniqlangan holatlar yuzasidan masʼullarga tegishli tavsiya va takliflar bildirildi. Mazkur oʻrganish Yoshlar xiyobonida qulay va xavfsiz muhit yaratish, obodonlashtirish ishlarini yanada yaxshilash hamda fuqarolarga munosib sharoitlar yaratishga xizmat qiladi.