Миробод туманида жойлашган Тошкент темирйўлчилар техникумида Ўзбекистон Республикаси Олий Мажлиси Сенати аъзоси Маъруфова Гулнора Махмудовна,  Халқ депутатлари Миробод туман Кенгаши депутатлари М.Н.Машарипов, А.Ш.Эшматов, Кенгаш котибияти мудири А.А.Каримов, техникум рахбарияти  иштирокида талаба ёшлар билан очиқ мулоқот бўлиб ўтди.

🗣️ Мулоқотда Ўзбекистон Республикаси Олий Мажлиси Сенати аъзоси Маъруфова Гулнора Махмудовна ва  депутатлар томонидан давлатимиз раҳбарининг жорий йилнинг 24-феврал куни ёшлар билан ўтказган учрашувида белгилаб берилган муҳим вазифаларга тўхталди. Таъкидландики, бугунги кунда ёшларни хорижий тиллар ва замонавий касб-ҳунарга ўқитиш, уларнинг истиқболли стартап лойиҳаларини махаллий бюджет ва “Ёшлар дафтари жамғармаси” маблағларидан молиялаштириш депутатлар фаолиятининг устувор йўналишларидан бири ҳисобланади.

🗣️ Мулоқотда талаба ёшлар томонидан оммавий спорт, маданий ва маърифий тадбирлар, техникум ётоқхонасини таъмирлаш, ёшларни бўш вақтларини мазмунли ташкил этиш тўғрисида бир қатор масалалар, таклифлар мухокама қилинди.

📌 Мулоқот депутатлар, ёшлар етакчилари хамда ёшлар маслахат гурухи аъзолари томонидан таҳлилий ёндашув асосида, савол-жавобларга бой тарзда бўлиб ўтди.