Navbatdagi sayyor qabul “Chinobod” mahallasida o‘tkazildi

🗒 Xalq deputatlari Olmazor tumani Kengashi kotibiyati va Olmazor tumani hokimi o‘rinbosari, Oila va xotin-qizlar bo‘limi boshlig‘i Sevara Xashimova hamkorligida navbatdagi sayyor qabul “Chinobod” mahallasida o‘tkazildi. Qabulda kotibiyat bosh mutaxassisi B.Xoliqjonova va mahalla xotin-qizlar faoli N.Zokirjonovalar ishtirok etdi.

Qabul davomida xotin-qizlar ish bilan ta’minlash, moddiy qo‘llab-quvvatlash, tibbiy xizmatlardan foydalanish hamda boshqa ijtimoiy masalalar yuzasidan o‘z murojaatlarini bildirdilar.

Qabul davomida mahalladagi xotin-qizlar bilan ochiq muloqot o‘tkazilib, ularning bandlik, kasb-hunar egallash, tadbirkorlik faoliyatini yo‘lga qo‘yish, imtiyozli kreditlardan foydalanish hamda ijtimoiy qo‘llab-quvvatlash masalalariga oid murojaat va takliflari atroflicha tinglandi.

Shuningdek, doimiy daromad manbaiga ega bo‘lmagan xotin-qizlarni kasb-hunarga o‘qitish, bo‘sh ish o‘rinlariga yo‘naltirish, oilaviy tadbirkorlikni rivojlantirish hamda o‘zini o‘zi band qilish imkoniyatlarini kengaytirish bo‘yicha amaliy choralar muhokama qilindi.

📌 Har bir murojaat atroflicha ko‘rib chiqilib, ularni hal etish yuzasidan mas’ullarga tegishli topshiriqlar berildi. Qabul yakunida Mahalliy Kengash deputatlari faoliyatining eng muhim 24 ta yo‘nalishi doirasida “mahalla yettiligi” vakillari bilan xotin-qizlar muammolarini tizimli hal etish, ularni qo‘llab-quvvatlash hamda bandligini ta’minlash bo‘yicha kelgusidagi ustuvor vazifalar belgilab olindi.