Xalıq deputatları Qaraózek rayonlıq Keńesi 2-Gulistan saylaw okruginen deputat N.Tlewmuratov (ÓzLiDeP) hám 10-A.Dosnazarov saylaw okruginen deputat S.Íqlasovlar (ÓzMTDP) 14-sanlı mektep xızmetkerleri menen ushırasıw ótkerdi. 

Ushırasıwda deputatlar tárepinen bilimlendiriw tarawına baylanıslı jańa nızam hám qararlardıń mazmunı haqqında maǵlıwmat berdi.  

Sonday-aq, ruwxıy-aǵartıwshılıq jumısları, tálim-tarbiya beriwdiń sapasın jaqsılaw, mámleketimiz tárepinen tarawǵa qaratılǵan itibar, jaslarǵa tálim-tárbiya beriw hám ruwxıy salamat ortalıqtı jaqsılaw, erte turmıs qurıwdıń aldın alıw, kiberqáwipsizlik máselesinde ayrıqsha itibar qaratılıwı, bul baǵdarda tiyisli ilajlar kóriw boyınsha pikir alısıldı.