🇺🇿 Xalq deputatlari Uchtepa tumani Kengashi "2-Hamkor" okrugi deputati Abdullayeva Kimyo Adilovna ishtirokida tumandagi 238-sonli umumta’lim maktabida 22-aprel – Xalqaro “Yerni himoya qilish kuni” munosabati bilan “Agar men yer bo‘lsam” mavzusida video roliklar va sahna ko‘rinishlari tanlovi tashkil etildi.

 🍀 Mazkur tadbirning asosiy maqsadi o‘quvchi-yoshlar ongida atrof-muhitga ehtiyotkorona munosabatni shakllantirish, ekologik madaniyatni yuksaltirish, tabiatni asrash va yer resurslaridan oqilona foydalanish g‘oyalarini keng targ‘ib etishdan iborat bo‘ldi.

 👁 Tanlov davomida ishtirokchilar tomonidan tayyorlangan ijodiy ishlar o‘zining dolzarbligi, mazmun-mohiyati hamda badiiy ifodasi bilan ajralib turdi. O‘quvchilar tomonidan namoyish etilgan sahna ko‘rinishlari va video roliklarda ona tabiatga mehr, ekologik muammolarga befarq bo‘lmaslik, kelajak avlod oldidagi mas’uliyat kabi muhim g‘oyalar chuqur aks etdi.

 🔼 Tadbir ko‘tarinki ruhda, yuqori saviyada tashkil etilib, faol ishtirok etgan o‘quvchilar rag‘batlantirildi. Bu kabi ma’naviy-ma’rifiy tadbirlar yoshlar qalbida ekologik ong va tabiatga nisbatan mas’uliyat hissini yanada mustahkamlashga xizmat qiladi.