Búgin Xalıq deputatları Kegeyli rayonlıq Keńesi deputatları hámde «Madad» mámleketlik emes kommerciyalıq emes shólkemi arasındaǵı óz-ara birge islesiwdi bunnan bılay da bekkemlew maqsetinde dúzilgen memorandumda belgilengen wazıypalardıń orınlanıwın támiyinlew maqsetinde másláhatlasıw ushırasıwı bolıp ótti. 

Ushırasıwdı Sekretariat baslıǵı B.Iskenderov basqarıp bardı.

Ushırasıwǵa «Madad» mámleketlik emes kommerciyalıq emes shólkemi rayonlıq bólimi huquqıy máslahat beriw boyınsha byurosi bas qánigesi A.Nurekeev, Keńes deputatları hámde Sekretariat qánigeleri qatnastı.

Májliste rayonlıq Keńes sessiyaları kún tártibine kiritiletuǵın máseler boyınsha qabıl etiletuǵın sheshimlerdiń huquqıy tiykarlarınıń durıs qollanılǵanlıǵın ekspertizadan ótkeriw, deputatlarǵa kelip atırǵan múrájatlar boyınsha huquqıy tárepten másláhatlar alıw máseleleri dodalandı hám jergilikli Keńes birge islesiwi zárúr ekenligi atap ótildi.