Bugun haftalik ish reja asosida xalq deputatlari Shahrisabz tumani Kengashi va tuman hokimligi tomonidan navbatdagi fuqarolar qabuli o‘tkazildi.

Xalq deputatlari tuman Kengashi kotibiyati mudiri Luqmon Mamadiyorov va mutasaddi rahbarlar ishtirokida o‘tkazilgan navbatdagi qabulda aholini qiynayotgan ijtimoiy-iqtisodiy masalalar hamda kommunal sohadagi muammolar atroflicha ko‘rib chiqildi.

Muloqot davomida bildirilgan har bir murojaat mutaxassislar tomonidan joyida tahlil qilinib, ta’lim va sog‘liqni saqlash tizimidagi kamchiliklarni bartaraf etish hamda moddiy yordamga muhtoj fuqarolarni qo‘llab-quvvatlash bo‘yicha mas’ullarga aniq vazifalar yuklatildi.