Xalq deputatlari Taxiatosh tumani Kengashiga Oʻzbekiston Ekologik partiyasidan saylangan deputat Matniyazov Akbar Qadirovich deputatlik so‘rovi yoʻlladi

📌 Xalq deputatlari Taxiatosh tumani Kengashi deputati Matniyazov Akbar Qadirovich mahallada fuqarolarning turmush sharoitlarini yaxshilash, qurilish, uy-joy kommunal xizmatlari va infratuzilma masalalarini yanada takomillashtirish maqsadida Taxiatosh tuman hokimining o'rinbosariga deputatlik so‘rovi yo‘lladi.

⚡️ Tuman hokimining o'rinbosari Bekjanov Farxad Artikbayevichga yo‘llangan deputatlik so‘rovida deputat: 

🟢 Taxiatosh tumani “Yangi makon” mahallasida “Og‘ir mahalla” dasturi doirasida qurilishi rejalashtirilgan loyihalar bo‘yicha amalga oshirilayotgan ishlar haqida batafsil ma’lumot taqdim etilishini;

🟢 Davlat dasturiga kiritilgan “Mehrem” aholi punktini ichimlik suvi bilan ta’minlash bo‘yicha olib borilayotgan ishlar haqida ma’lumot berilishini; 

🟢 Shuningdek, “Chatiravuq” aholi punktida rejalashtirilgan ichki yo‘llarni ta’mirlash ishlarining bugungi kundagi holati bo'yicha ma'lumotlarni asoslantirilgan tushuntirish bilan taqdim etilishini so‘radi.

📥 Matniyazov Akbar Qadirovich mazkur so‘rov orqali mahalla aholisi uchun qulay yashash muhitini yaratish, mahallalarda mavjud muammolarga e’tibor qaratish va ularni hal etish jarayonlarini tezlashtirishni maqsad qilgan.

✍️ Ma’lumot uchun: “Xalq deputatlari viloyat, tuman va shahar Kengashi deputatining maqomi to‘g‘risida”gi Qonunning 5- va 8-moddalariga binoan deputatlik so‘roviga javob 10 kun ichida taqdim etilishi lozim. Deputat so‘rovini o‘z vaqtida ko‘rib chiqmaslik yoki noto‘g‘ri ma’lumot berish Ma’muriy javobgarlik to‘g‘risidagi kodeksning 193-moddasiga muvofiq javobgarlikka sabab bo‘ladi.

Telegram (https://t.me/TaxiatoshtumanKengashi)