Тойлоқ тумани “Сочак” маҳалласида истиқомат қилувчи бир гуруҳ фуқаролар томонидан Халқ депутатлари Тойлоқ туман Кенгашига миннатдорчилик хати йўлланди. Мазкур хатда маҳалла аҳолиси Аҳмад Яссавий кўчасига электр симёғочлари ажратилиши масаласи ҳал этилганидан чуқур мамнуният изҳор этган.

Фуқароларнинг таъкидлашича, ушбу ташаббус Халқ депутатлари Тойлоқ туман Кенгаши депутати, “Адолат” СДП Тойлоқ туман Кенгаши раиси Нилуфар Акрамова томонидан илгари сурилган таклиф асосида амалга оширилиб, зарур маблағлар ажратилган. Бу эса маҳалладаги электр таъминотини яхшилаш, аҳолига қулайлик яратиш йўлидаги муҳим қадам сифатида эътироф этилмоқда.

Миннатдорчилик хати маҳалла фуқаролари вакили Ашуров Облоқул томонидан етказиб берилди. Маҳалла аҳолиси ўз мурожаатларига бефарқ бўлмаган депутат ва тегишли ташкилотларга самимий ташаккур изҳор этмоқдалар.

“Адолат” СДП Самарқанд вилоят кенгаши,

матбуот хизмати.