Xalq deputatlari Toyloq tumani Kengashi deputati Tangirov Uktam Ummatkulovich tomonidan “Xo‘jayuz” va “Do‘stlik” mahallalari saylovchilari bilan ochiq muloqot tashkil etildi. Uchrashuv davomida deputat o‘z faoliyati yuzasidan hisobot berib, amalga oshirilgan ishlar, ko‘tarilgan muammolar va ularning yechimlari haqida atroflicha ma’lumot berdi.

Samimiy va konstruktiv ruhda o‘tgan muloqot jarayonida saylovchilarning taklif va mulohazalari tinglandi, dolzarb masalalar muhokama qilindi. Eng muhimi, aholi bilan hamkorlikda kelgusida amalga oshiriladigan ustuvor vazifalar va aniq rejalar belgilab olindi.

Bunday uchrashuvlar xalq bilan bog‘lanish, ishonchni mustahkamlash hamda hududlar rivoji yo‘lida birgalikda harakat qilishda muhim ahamiyat kasb etadi.