Xalq deputatlari Andijon shahar Kengashi deputati Gulnoraxon Ismailova ishtirokida Andijon shahar Xotin-qizlar qo‘mitasi bilan hamkorlikda “Qizlar davrasi” ma’naviy-ma’rifiy davra suhbati o‘tkazildi.

Tadbir davomida oila qadriyatlari va qizlar tarbiyasi, xotin-qizlar huquqlari, ijtimoiy tarmoqlardan oqilona foydalanish hamda kitobxonlik madaniyatini rivojlantirish mavzularida ochiq muloqot tashkil etildi.

Ishtirokchilar mamlakatimizda oila institutini mustahkamlash, xotin-qizlarning jamiyatdagi o‘rni va nufuzini yuksaltirish, yoshlarni milliy va umuminsoniy qadriyatlar ruhida tarbiyalash, ma’naviy kamolot va kitobxonlikni keng targ‘ib etish yuzasidan fikr almashdilar.

Xalq deputatlari Andijon shahar Kengashi yoshlarning ma’naviy salohiyatini yuksaltirish, ularning huquqiy ongi va ijtimoiy faolligini oshirishga qaratilgan bunday tadbirlarni izchil qo‘llab-quvvatlaydi.