Халқ депутатлари Миробод туман Кенгашидаги 2-Фаровон сайлов округи депутати Г.Умарова ҳафталик иш режасига мувофиқ «Фаровон» маҳалласида бўлди.

🗣️ Депутат маҳалла раиси билан учрашиб, 24 тавсиявий саволнома ва доимий комиссиялар 19.1- модда асосида ҳудуддаги ижтимоий-иқтисодий ҳолатни таҳлил қилди. Халқ билан доимий мулоқотда бўлган Г.Умарова, бош мутахассис У.Маманазаров билан биргаликда аҳоли томонидан билдирилган таклиф ва мурожаатларни алоҳида эътиборга олди. Жараёнда аниқланган муаммолар ва фуқароларнинг мурожаатлари белгиланган тартибда «намунавий» депутатлик дафтарига қайд этилиб, расмийлаштирилди.

🗣️ Шунингдек, учрашув давомида маҳалла аҳли учун қулай шароитлар яратиш ва долзарб масалаларни ҳамкорликда ҳал этиш бўйича истиқболдаги ташкилий вазифалар келишиб олинди. Халқ депутатларининг маҳалла ҳаётига кўрсатаётган бундай амалий кўмаги ҳудуд ривожига хизмат қилади.

📌 Бизни кузатиб боринг, маҳалладошлар муаммолари ҳамиша депутат эътиборида!