#Deputatlik_nazorati
#Kotibiyat_hududlarda

Bolalar maydonchasini ta'mirlash masalasi

🇺🇿 Xalq deputatlari Uchtepa tumani Kengashi tomonidan deputatlik nazorati doirasida Qoryog‘di mahallasida infratuzilma va aholini qiynayotgan dolzarb masalalar joyiga chiqib o‘rganildi.

📈 Mahalla aholisi, ayniqsa yosh oilalar tomonidan mavjud bolalar maydonchasini ta'mirlash va zamonaviy o‘yin jihozlari bilan jihozlash bo‘yicha murojaatlar bildirildi.

📁 Mazkur masala O‘zbekiston Respublikasi Prezidentining 2022-yil 11-apreldagi PQ-201-son qarori bilan belgilangan mahallalarda yoshlarning bo‘sh vaqtini mazmunli tashkil etish, ommaviy sportni rivojlantirish hamda bolalar uchun xavfsiz infratuzilmani yaratish vazifalaridan kelib chiqib o‘rganildi. Ushbu yo‘nalish bo‘yicha ham tegishli tashkilotlarga deputatlik so‘rovi kiritish orqali amaliy choralar ko‘rish belgilandi.

📝 O‘rganish yakunida ko‘tarilgan barcha masalalar deputatlik nazoratiga olinib, ularning ijrosini ta'minlash maqsadida mas'ul ijro organlariga deputatlik so‘rovlari yuborilishi belgilandi.

💼 O‘rganishda xalq deputatlari Uchtepa tuman Kengashi kotibiyati mudiri, deputat Anvar Usmanov hamda Kengash kotibiyati bosh mutaxassisi Zarnigor Kuziyeva ishtirok etdi.