Yig‘ilishni doimiy komissiya raisi Nazarov Qudrat Jamgirovich olib bordi. Unda kun tartibiga kiritilgan masalalar atroflicha muhokama qilinib, mahalliy byudjet mablag‘laridan samarali foydalanish, tadbirkorlikni qo‘llab-quvvatlash hamda iqtisodiy islohotlarni izchil amalga oshirish yuzasidan tegishli taklif va tavsiyalar bildirildi.
Yig‘ilishning tashkiliy jihatdan yuqori saviyada o‘tishini ta’minlashda Xalq deputatlari Hazorasp tuman Kengashi kotibiyat mudiri Vaisov Mash'al Islomovich tomonidan amaliy-uslubiy yordam ko‘rsatildi. Muhokamalar yakunida kun tartibidagi masalalar yuzasidan tegishli qarorlar qabul qilinib, mas'ullarga aniq vazifalar belgilab berildi.