Deputatlar tomonidan joylarga chiqib o‘tkazilgan o‘rganishlar natijasida aholini uzoq yillardan buyon qiynab kelayotgan bir qator ijtimoiy va infratuzilmaviy muammolar yuzasidan takliflar shakllantirilib, joriy yilning 26-may kuni Xalq deputatlari Marg‘ilon shahar Kengashi kotibiyati tomonidan Marg‘ilon shahar hokimining birinchi o‘rinbosariga 2-08/64-sonli rasmiy xat kiritildi.

Mazkur takliflarning barchasi aholi murojaatlari va hududlarda aniqlangan ehtiyojlardan kelib chiqib shakllantirilgan bo‘lib, ularni 2027-yil Davlat dasturi hamda hududiy investitsiya dasturlariga kiritish yuzasidan amaliy choralar ko‘rish so‘ralgan.

Xalq deputatlari Marg‘ilon shahar Kengashi tomonidan saylovchilar murojaatlarini o‘rganish, mavjud muammolarni mas’ul tashkilotlar oldiga qo‘yish va ularning yechimi yuzasidan amaliy tashabbuslar ilgari surish ishlari davom ettirilmoqda.