Xalıq deputatları Bozataw rayonlıq Keńes sekretariat baslıǵı, 1-“Palwash ataw” saylaw okruginen (ÓzMDP) saylanǵan deputat A.Ibragimov tárepinen náwbettegi puqaralar qabıllawı ótkerildi. Qabıllaw dawamında rayon turǵınlarınıń múrájatları tıńlanıp, olardı qızıqtırǵan sociallıq, turmıslıq hám infrastrukturaǵa baylanıslı máseleler boyınsha pikir almasıldı.
Qabıllawǵa kelgen puqaralar tárepinen jumıs penen támiyinlew, kommunal xızmet, jol jaǵdayı, elektr energiyası, ishki kóshelerdi abadanlastırıw hám basqada máseleler kóterildi. Hár bir múrájat boyınsha tiyisli shólkemler menen birgelikte úyreniw alıp barıw, máselelerdi belgilenǵen tártipte sheshiw boyınsha tapsırmalar berildi.
Deputat óz gezeginde puqaralar menen ashıq sáwbelesiw alıp barıw, olardıń múrájatlarına qulaq asıw hám ámeliy járdem kórsetiw eń tiykarǵı wazıypalardan biri ekenligin atap ótti. Qabıllaw dawamında kóterilgen máseleler boyınsha tiyisli jumıslar alıp barılatuǵını bildirildi.