O‘zbekiston Respublikasi Oliy Majlisi Senatining 2024 yil 4 apreldagi “Mahallalardagi muammolarni xal etishda Xalq deputatlari mahalliy Kengashlari deputatlari va senatorlarning “Mahalla yettiligi” bilan o‘zaro hamkorligini yo‘lga qo‘yish chora-tadbirlari to‘g‘risida”gi KQ-706-IV-sonli qaroriga asosan, mahallalardagi muammolarni xal etishda Xalq deputatlari Marg‘ilon shahar Kengashi deputatlari va “Mahalla yettiligi”ning o‘zaro hamkorligini yo‘lga qo‘yildi.  

O‘zLiDeP Marg‘ilon shahar Kengashi deputati A.Mahkamov “Mahalla yettiligi”-Kengash-Senat” uch bo‘g‘inli hamkorlik tizimini tashkil etish bo‘yicha Tog‘liq mahalla fuqarolar yig‘inida mahalliy Kengash deputatlari va “Mahalla yettiligi”ning 8 ta yo‘nalish bo‘yicha o‘zaro hamkorlik masalalari, “Mahalla yettiligi”ning kollegial qarorlari asosida ko‘rsatiladigan 64 turdagi ijtimoiy yordam va ajratiladigan subsidiyalarning manzilliligi va asosliligi, “Mahalla yettiligi” tomonidan aniqlangan va shahar darajasida hal etiladigan muammolar yuzasidan uchrashuv o‘tkazdilar.

Deputat tomonidan “Ayollar daftari”ga kiritilayotgan xotin-qizlarga belgilangan mezonlar asosida moddiy yordam ko‘rsatish, uy-joy uchun subsidiyalar ajratish, xotin-qizlarning tadbirkorlik faoliyatini yo‘lga qo‘yish uchun kreditlar ajratish, maxsus dasturlar bo‘yicha o‘qitish, xotin-qizlarni xar tomonlama qo‘llab-quvvatlash bo‘yicha amalga oshirilgan ishlar holatini ham ko‘rib chiqildi.