O‘zXDP Jizzax shahar Kengashi va partiya deputatlik guruhining tashabbusi bilan “Sog‘lom jamiyat uchun!” shiori ostida Jizzax shahar markaziy ko‘p tarmoqli poliklinikasida tibbiy ko‘rik aksiyasi tashkil etildi.Tadbir mobaynida 242 nafar fuqarolar yuqori malakali tibbiyot mutaxassislari tomonidan tibbiy ko‘rikdan o‘tkazilgan holda ularga aniq tashxislar qo‘yilib, tegishli tavsiya va ko‘rsatmalar berildi.

 Shuningdek, 75 nafar bolalar ham malakali pediatr mutaxassislar tomonidan ixtisoslashtirilgan tibbiy ko‘rikdan o‘tkazildi.Jarayonda aniqlangan bemorlarning uch nafariga shahar tibbiyot birlashmasining terapiya va bolalar bo‘limida imtiyozli davolanishlari uchun yo‘llanmalar berilgan bo‘lsa, ikki nafar fuqaro viloyat ko‘p tarmoqli tibbiyot markazida imtiyozli davolanishi uchun elektron bazaga kiritildi.

 Tadbir davomida soha mutaxassislari tomonidan ishtirokchilarga “Sog‘lom turmush tarzi”, “Sog‘lom ovqatlanish”, “Zararli odatlarni tark etish” mavzuarida suhbat o‘tkazilib, zaruriy tushuncha va tavsiyalar berildi.