Farg‘ona tuman tibbiyot birlashmasida
korrupsiyaga qarshi kurashish tadbiri o‘tkazildi 

22.04.2025 

🔷 Xalq deputatlari
Farg‘ona tuman Kengashi deputatlari Ozodaxon
Dadajonova, Shuxratjon Raximov, O‘zbekiston “Adolat” SDP tuman Kengashi raisi Nodirbek
Karimovlar tuman Tibbiyot birlashmasida “Korrupsiyaga qarshi kurashish oyligi” doirasida
davra suhbati o‘tkazildi. 

🔷 Tadbirni O‘zbekiston “Adolat” SDP tuman Kengashi raisi N.Karimov ochib,
joriy yilning 5-mart sanasida Davlatimiz rahbari raisligida o‘tkazilgan Korrupsiyaga
qarshi kurashish bo‘yicha Milliy kengashning kengaytirilgan yig‘ilishda korrupsiyani
butunlay bartaraf etish yo‘lida belgilangan vazifalar to‘g‘risida to‘xtalib o‘tdi. 

🔷 Uchrashuvda O.Dadajonova “Sog‘liqni saqlash tizimini “Korrupsiyasiz soha”ga
aylantirish – ustuvor vazifamiz” mavzusida davra suhbati tashkil etilib, Mamlakatimizda korrupsiyaga qarshi kurashish borasida olib borilayotgan
izchil ishlar o‘z samaradorligini ko‘rsatishida har bir fuqaro birdek mas’ul ekanligi,
bugungi kunda korrupsiyaga qarshi kurashishning samarasini oshirish maqsadida izchil
islohotlar amalga oshirilayotganligini aytib, Davlatimiz rahbari, “Korrupsiyaga
– jamiyat tanasidagi saraton” sifatida qarash kerakligini ta’kidlab, unga qarshi
kurashda loqaydlikka yo‘l qo‘ymaslikka chaqirdi.