Urganch shahar maktabgacha ta’lim bo‘limi va O‘zbekiston “Adolat” SDP viloyat va shahar Kengashlari hamkorligida shahardagi 18 va 19-sonli maktab va maktabgacha ta’lim tashkilotlarida “Maktabgacha ta’lim tashkilotlarida tashkil etilgan autsorsing xizmatining afzalliklari” yuzasidan o‘rganish o‘tkazildilar. 

Xalq deputatlari shahar Kengashi deputati R.Boltayev shaharda bugungi kunda 139 ta maktabgacha ta’lim tashkiloti mavjudligini ta’kidlab o'tdi. 

Ularning 30 tasi davlat bog‘chasi, 11 tasi davlat-xususiy sherikchilik asosidagi, 2 tasi xususiy, 96 tasi oilaviy bog‘chalardir. O‘zbekiston Respublikasi Vazirlar Mahkamasining 2019-yil 25-iyuldagi “Davlat maktabgacha ta’lim tashkilotlarida sog‘lom ovqatlantirish tizimini yanada takomillashtirish to‘g‘risida”gi qaroriga asosan 2025-yilning 1-yanvaridan shahardagi 139 ta davlat maktabgacha ta’lim tashkilotining 14 tasida autsorsing usulida ovqatlantirish tizimi yo‘lga qo‘yilgan. Shuningdek, shaharda bugungi kunda 44 ta maktab ta’lim tashkiloti mavjud. Ularning 33 tasi davlat ta’lim muassasasi, 11 tasi xususiy. 2025-yilning 1-yanvaridan shahardagi 44 ta davlat maktab ta’lim tashkilotining 33 tasida autsorsing usulida ovqatlantirish tizimi yo‘lga qo‘yilgan.