2025-yil 22-yanvar kuni Bo'ka tumani 3-son maktabda "Siz ekologiyaga oid qonunlarni bilasizmi?" deb nomlangan tadbir bo'lib o'tdi. Tadbirda 1,2,3,4,5,16-maktablarini 14 yoshdan 17 yoshgacha bo'lgan o'quvchilaridan tashkil topgan komandalar o'zaro musobaqalashdi. 

     Tadbirda xalq deputatlari Kengashi deputatlari D.Po'latov va M.Yo'ldoshevalar qatnashdilar.

     Tadbirni xalq deputatlari Bo'ka tumani Kengashi deputati D. Po'latov ochib berdi. Mamlakatimizdagi ekologiya sohasidagi yutuqlar, amalga oshirilayotgan ishlar, hamda 2025-yilni " Atrof muhitni asrash va yashil iqtisodiyot yili" deb nomlanishining maqsadlari borasida yig'ilganlarga so'zlab o'tdi. 

    Tadbir 4 shartdan iborat bo'lib, o'quvchilar o'zlarini ekologiya borasidagi bilimlarini namoyon etdilar. Hakamlar hayʼati tomonidan o'quvchilarning chiqishlari baholanib borildi. 

   Tadbir barcha ishtirokchilarda katta taassurot qoldirdi. Ushbu boradagi tadbir tumandagi barcha maktablarda davom etmoqda.