Xalq deputatlari Pastdarg‘om tumani Kengashining navbatdagi sessiyasida ko‘rib chiqilishi rejalashtirilgan masalalar yuzasidan deputatlar tomonidan hududlarda amaliy o‘rganish ishlari izchil olib borilmoqda.

Sessiya kun tartibiga kiritilgan “O‘zbekiston–2030” strategiyasining suv resurslaridan oqilona foydalanish yo‘nalishi bo‘yicha amalga oshirilgan ishlar hamda tumanda suv tejovchi sug‘orish texnologiyalarini joriy etish holati to‘g‘risida”gi masala yuzasidan deputat X. Ziyodullayev Chimboy MFY hududida fuqarolar bilan uchrashdi.

Uchrashuv davomida hududdagi sug‘orish tizimi, suvdan foydalanish samaradorligi, mavjud muammolar hamda aholini qiynayotgan masalalar o‘rganildi.

Fuqarolarning taklif va murojaatlari tinglanib, ularni hal etish bo‘yicha tegishli choralar belgilandi.