O‘zbekistonda zamonaviy pulli avtomobil yo‘llarini barpo etish bo‘yicha amalga oshirilayotgan loyihalar mamlakat transport infratuzilmasini yangi bosqichga olib chiqadi. Xususan, Xiva–Urganch pulli yo‘lining yaqin kunlarda foydalanishga topshirilishi, Toshkent–Andijon magistrali hamda Toshkent–Chorvoq yo‘nalishidagi loyihalarning izchil davom ettirilayotgani ushbu sohada olib borilayotgan islohotlarning amaliy natijasidir.
🔹Xalq deputatlari Jondor tumani Kengashi deputati sifatida mazkur tashabbuslarni to‘liq qo‘llab-quvvatlayman. Zamonaviy avtomobil yo‘llari nafaqat qatnov vaqtini qisqartiradi, balki transport xavfsizligini oshirish, logistika xarajatlarini kamaytirish, ichki va tashqi turizmni rivojlantirish hamda tadbirkorlik faoliyatini kengaytirishga xizmat qiladi.
🔹Ayniqsa, davlat-xususiy sheriklik asosida bunyod etilayotgan bunday loyihalar davlat budjetiga ortiqcha yuk tushirmasdan, zamonaviy infratuzilmani yaratish imkonini beradi. Bu esa iqtisodiyotning barqaror o‘sishi va hududlar investitsiyaviy jozibadorligini oshirishda muhim ahamiyat kasb etadi.
🔹Ishonamanki, transport infratuzilmasini modernizatsiya qilish bo‘yicha amalga oshirilayotgan keng ko‘lamli islohotlar mamlakatimizning har bir hududida aholi farovonligini oshirish va iqtisodiy taraqqiyotni jadallashtirishga munosib hissa qo‘shadi.