👥 Xalq deputatlari Bag‘dod tumani Kengashining “Ijtimoiy soha, yoshlar siyosati, madaniyat va sport masalalari bo‘yicha” doimiy komissiyasi tomonidan tuzilgan ishchi guruh tomonidan O‘zbekiston Respublikasining “Fuqarolarning reproduktiv salomatligini saqlash to‘g‘risida”gi Qonuni ijrosi ta’minlanishi holatini o‘rganish ishlari izchil davom ettirilmoqda.

🏥 Navbatdagi o‘rganish Bag‘dod tumani Tibbiyot birlashmasiga qarashli Ko‘p tarmoqli markaziy poliklinikada olib borildi. O‘rganish jarayonida qonun hamda ushbu sohani tartibga soluvchi qonunosti normativ-huquqiy hujjatlar ijrosi, reproduktiv salomatlik xizmatlarini tashkil etish, tegishli hujjatlar yuritilishi va amaliy faoliyat holati tahlil qilindi.

📋 O‘rganish natijasida O‘zbekiston Respublikasining “Fuqarolarning reproduktiv salomatligini saqlash to‘g‘risida”gi Qonunining 12-moddasi talablariga muvofiq erkaklarning reproduktiv salomatligini muhofaza qilish, ularning profilaktik tibbiy ko‘riklarini tashkil etish, maslahat va tibbiy xizmatlar ko‘rsatish yo‘nalishlarida amalga oshirilayotgan ishlar yetarli darajada yo‘lga qo‘yilmaganligi aniqlandi.

O‘rganish ishlari davom etmoqda.