Tuman Kengashi deputati Qurbonova Visola Abduraimovna oilaviy poliklinikaga tashrif buyurib, aholiga ko‘rsatilayotgan tibbiy xizmat sifati va tezkorligini o‘rgandi.

Tashrif davomida poliklinika faoliyati, bemorlarni qabul qilish jarayoni, bepul dori-darmonlar ta’minoti hamda mavjud muammolar va ularning yechimlari atroflicha ko‘rib chiqildi.

Shuningdek, profilaktika ishlari, sog‘lom turmush tarzini targ‘ib qilish va aholiga sifatli xizmat ko‘rsatish bo‘yicha amalga oshirilayotgan ishlar bilan tanishildi.

Deputat tibbiy xizmat sifatini yanada oshirish, xodimlar uchun munosib ish sharoitlarini yaratish hamda dori-darmonlar ta’minotini mustahkamlash yuzasidan tavsiyalar berdi.

Tashrif davomida fuqarolarning murojaatlari tinglanib, sog‘liqni saqlash sohasidagi dolzarb masalalarni hal etishda hamkorlikni kuchaytirish zarurligi ta’kidlandi.

🌐 t.me/Toyloq_tuman_Kengashi