UYCHI TUMANI
Aholi va iste’molchilarni barqaror hamda sifatli elektr energiyasi bilan ta’minlash maqsadida «Hududiy elektr tarmoqlari» AJ Namangan hududiy filiali tomonidan elektr tarmoqlarini modernizatsiya qilish va mavjud infratuzilmani yangilash ishlari tizimli ravishda davom ettirilmoqda.

Jumladan, O‘nhayot va Oxunboboyev UB tasarrufidagi Mirzaravot, Dehqonobod MFY hududlarida joylashgan 492-sonli, 250 kVA hamda 69-sonli, 250 kVA quvvatga ega transformator punktlarida mukammal va joriy ta’mirlash, shuningdek, elektr uzatish tarmoqlariga xalaqit beruvchi daraxt shoxlarini tozalash ishlari amalga oshirilmoqda.

Shu bilan birga, Uychi tumani Oqtosh MFY hududida aholi murojaati asosida elektr tarmog‘i tayanchlarini o‘rnatish ishlariga amaliy yordam ko‘rsatilmoqda.