5-sonli maktabda kuz-qish mavsumiga tayyorgarlik masalalari muhokama qilindi

Xalq deputatlari Taxiatosh tumani Kengashiga O‘zbekiston Xalq demokratik partiyasidan saylangan deputat Artikov Davron Omarbayevich Xalq deputatlari Taxiatosh tumani Kengashi kotibiyati mudiri, O‘zbekiston Ekologik partiyasidan saylangan deputat Matniyazov Akbar Qadirovich bilan birgalikda o‘zi saylangan “Naymanko‘l” OFY 1-Nayman saylov okrugi hududidagi 5-sonli maktabda bo‘ldi.

💬 Tashrif davomida maktabning kuz-qish mavsumiga tayyorgarlik holati yuzasidan mas’ullar va maktab ma’muriyati bilan suhbat o‘tkazilib, mavjud sharoitlar, mavsum davomida yuzaga kelishi mumkin bo‘lgan masalalar hamda ularning oldini olish choralari muhokama qilindi.

📌 Muloqot yakunida ta’lim muassasasida kuz-qish mavsumini betalafot o‘tkazish, isitish tizimining barqaror ishlashini ta’minlash va zarur tayyorgarlik ishlarini o‘z vaqtida yakunlash bo‘yicha mas’ullarga tegishli tavsiyalar berildi.

🏫 Deputatlarning ta’lim muassasalaridagi sharoitlarni joyida o‘rganishi va mas’ullar bilan bevosita muloqot qilishi mavsumiy muammolarning oldini olish hamda ularni o‘z vaqtida bartaraf etishga xizmat qiladi.