Tashrif davomida markazda yaratilgan sharoitlar, tarbiyalanuvchilarga ko‘rsatilayotgan ijtimoiy, ma’naviy-ma’rifiy hamda amaliy ko‘maklar, ularning bo‘sh vaqtini mazmunli tashkil etish borasida amalga oshirilayotgan ishlar ko‘zdan kechirildi.

Deputatlar markaz faoliyati bilan tanishish jarayonida tarbiyalanuvchilar bilan suhbatlashib, ularning qiziqishlari va istaklari bilan qiziqdilar.

Shuningdek, markaz jamoasi tomonidan amalga oshirilayotgan ishlar yuzasidan fikr va takliflar almashildi.

Tashrif davomida inson manfaatlari, yoshlar tarbiyasi va ularning kelajagini ta’minlash masalalariga alohida e’tibor qaratish zarurligi ta’kidlandi.

Deputatlar markaz faoliyatini yanada takomillashtirish, mavjud imkoniyatlardan samarali foydalanish bo‘yicha o‘z takliflarini bildirdilar.