Muammoli oilalar bilan suhbatlashildi

Xalq deputatlari Qiziltepa tumani Kengashi deputati o‘z saylov okrugida joylashgan G‘oyibon mahallasida bo‘lib, muammolari mavjud oilalar bilan suhbatlashdi.

Suhbat davomida fuqarolarning murojaatlari, oilalardagi mavjud muammolar va ehtiyojlar tinglanib, ularni hal etish yuzasidan zarur tavsiya va tushuntirishlar berildi hamda amaliy yordamlar ko‘rsatildi.

Shuningdek, uchrashuv davomida “Yoshlarni oilaviy hayotga tayyorlash tizimini yanada takomillashtirish hamda oilaviy maslahat xizmatlarini tashkil etish chora-tadbirlari to‘g‘risida”gi Vazirlar Mahkamasining 2026-yil 19-maydagi 257-son qarori mazmun-mohiyati yuzasidan fuqarolarga tushuntirishlar berildi.

Mazkur hujjatda belgilangan vazifalar, yoshlarni oilaviy hayotga tayyorlash, oilaviy munosabatlarni mustahkamlash hamda oilalarga maslahat xizmatlarini ko‘rsatishning ahamiyati haqida fikr almashildi.