Xalq deputatlari tuman Kengashi deputati A.Shermatov Shahriobod mahallasida bo‘lib, mahalla hokim yordamchisi U.Sobirovning faoliyati bilan tanishdi. O‘rganish davomida mahallada aholi bandligini ta’minlash, ishsiz fuqarolarni ishga joylashtirish, tadbirkorlik faoliyatini yo‘lga qo‘yish istagida bo‘lgan aholiga amaliy ko‘mak ko‘rsatish borasida amalga oshirilayotgan ishlar muhokama qilindi. Shuningdek, aholi daromadlarini
oshirish, kambag‘allikni qisqartirish, xonadonbay ishlash tizimi asosida fuqarolarning muammolarini aniqlash va ularni hal etish bo‘yicha ko‘rilayotgan choralar tahlil qilindi. Deputat A.Shermatov mahallada aholi bilan ishlash samaradorligini yanada oshirish, fuqarolar bandligini ta’minlash va ularning daromad manbalarini ko‘paytirishga qaratilgan ishlarni izchil davom ettirish muhimligini ta’kidladi. O‘rganish yakunida aniqlangan masalalar yuzasidan mas’ullarga tegishli tavsiya va takliflar berildi.